أشهر جمل بيقولوها الأب و الأم
فى مصر والعالم العربى كله
1- انت فاكرنا لاقين الفلوس ديـى في الشارع .
2- ما متغنيش وأنت في الحمام .
3- والله ما انت فالح .. وادي دقني أهه ان فلحت .
4- هتنام وأنت مغسلتش بقك .
5- ما تلزقش في التلفزيون كده .. وتقول بعد كده عايز نظارة .
6- تعالى سلم على عمك عيب كده يقول عليك إيه قاعد جوه وهو موجود .
7- يا ابني محدش هينفعك .
8- ما تطلعش ايدك من الشباك .
9- هاتى فلوس هاتى فلوس هو انا قاعدة على بنك .
10- يارب أفضل عايشة أنا وأبوك لحد ما اشوف عيالك بيعملوا فيكم زى ما بتعملوا فينا .
11- ما تطلعش على الملاية ورجلك مش نظيفة أنا لسة حطاها .
12- نسيت تأكل ؟ نسيت تشرب؟ نسيت تاخد مصروفك ؟ نسيت تعكنن عليا و على امك ؟
لكن تنسى حاجة قولنالك عليها .
13- طلع ايدك من جيبك و انت بتكلمني إيه عدم الاحترام ده ترضى تجيب واد ولا بنت كده .
14- ايه الا مبالاه و الاستهتار اللي انت عايش فيهم دول .
15- قوم اقرا لك كلمتين ينفعوك بدل الفرجة على التليفزيون ونزول الشارع .
16- وطي المدعوق ده شوية .
17- انت فاكرنا نايمين على ودانا ده احنا عارفين كل حاجة ؟!
18- يا ابني انت مسطول ولا ايه مالك كده ؟
19- ما تلبسش القميص مفتوح لحد بطنك عامل زى العيال الصايعة .
20- بلاش أكل برة .
21- كلمنا لما توصل متنساش .
22- عيـــب ... لازم تحترم اللي أكبر منك دول هما كان خيلانك .
23- لو شفت خناقه ما لكش دعوة بيها .
24- أنتم عاوزين تجننونى .
25- اوعى تكدب عليا كده تاني مرة .
26- اوعى حد غريب يديلك حاجه تاكلها أو تشربها و تاخدها منه .
27- يا ابني كلم خالتك العيانة اسأل عليها .
28- بلاش لعب في الشارع .
29- ما تعليش صوتك وأنت بتكلمنى .
30- وانت فاكر احنا مستنيين منك حاجة .
31- المسلسل مش هينفعك ...قوم أقرالك كلمتين أحسن ينفعوك .
32- ما تقعدش قدام المروحة وانت مستحمي ل أحسن تبرد .
33- كفايه رغي في التليفونات بقى .
34- بلاش وقفة الشبابيك و البلكونات اللى ملهاش فايدة ديه .
35- اوعى تقول لحد هات لي حاجة أنت فاهم .
36- كل على مهلك .. وامضغ كويس ... وما تكلش وانت واقف ..
وكل من قدامك ما تحفش (متعملش صوت وأنت بتأكل) .
37- اطفي التلفزيون وقوم ذاكر . أو اطفي التلفزيون و خش اوضتك .
38- هو كل ما أسالك على حاجة معرفش معرفش أومال أنت عارف إيه .
39- أتوضيت صليت بدل ما أنت قاعد كده ؟!
40- ما تخشش الحمام والمطبخ وأنت حافى كده .
41- ازاى عارف تذاكر وأنت فاتح البتاع ده جنبك .
42- افرد ظهرك .
43- ما تتأخرش بعد المدرسه و تقعد تصيع مع أصحابك الفاشلين دول .
44- بص كويس و انت بتعدي الشارع ل أحسن تتخبط
احنا مش قادرين نلف على المستشفيات .
45- يا ابنى اتقى الله فينا حرام عليك .
46- اللي بيشيل قربه مخرومة بتخر عليه لوحده ..
47- لو مش فاهم حاجة ارفع ايدك و قول للأستاذ مش فاهم .. متخافش .
48- طلبات طلبات أنتم مبتزهقوش عيشة بقت تأرف .
49- ما تردش عليا .
50- مش عايز اسمع صوت .
51- مالكش دعوة بالسياسة .. وماتمشيش في مظاهرات ملناش دعوه لما يمسكوك إيه الحل بقى ؟
52- تعالى شوف عيالك أنا مش قادرة عليهم لوحدى .
53- عيشة تأصف العمر .
54- تعالى اعملى معايا حاجة بدل ما أنتى قاعدة كده .
55- ونبى خد شوفلى الموبيل ده مش عايز يتفتح معرفش ماله مش بيطنق .
56- عايزين تأكلوا إيه .
57- خد جبلنا بجنيه عيش .
58- بتكلمى مين بليل كده .
59- لابس كده ومتشيك رايح على فين .
60- روحى قولى لبابا أن وافق ابقى اخرجى .
61- كل حاجة لأ لأ أومال اقول اروح لجيران هما اللى يجبولى .
62- امتى بقى تتجوزوا .
وطبعا متنسوش الكلام ده علشان لما تكبروا تقوله لأولادكم
يارب يكون الموضوع عجبكم
